Google ADS

Skuadra në Premierë Ligë mendon të shtrojë ofertë për mesfushorin Arda Turan

08:19 | 10 Tetor 2017
Arbresh Info

Arda Turan mund të largohet nga Barcelona në muajin janar dhe Arsenali është njëri nga klubet që është i alarmuar nga disponueshmëria e tij, raportojnë mediat turke.

Mesfushori ka dështuar për të gjetur pozitë në formacionin startues te skuadra në Camp Nou qysh pas transferimit nga Atletico Madridi në korrik të vitit 2015 dhe ai ende nuk ka bërë ndonjë paraqitje këtë sezon, transmeton portali arbresh.info.

Arda Turan nuk ka luajtur asnjë minutë nën udhëheqjen e Ernesto Valverdes
Arda Turan nuk ka luajtur asnjë minutë nën udhëheqjen e Ernesto Valverdes

Turan nuk ka luajtur asnjë minutë në 11 ndeshjet e zhvilluara këtë sezon dhe 30-vjeçari do t’i ofrohet kërkuesve të mundshëm kur të rihapet merkato e transferimeve në vitin e ri.

Reprezentuesi turk bëri paraqitjen e tij të 100-të për vendin e tij në disfatën 3 me 0 nga Islanda javën e kaluar, dhe edhe pse kontrata e tij te Barcelona skadon në vitin 2020, ai mund të largohet për të fituar minuta diku tjetër.

‘CNN’ në Turqi raporton që Arsenali ka kontaktuar reprezentuesin e lojtarit për të mësuar qëllimet e tij./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm